मुंबई: ‘ड्रग्स फ्री मुंबई’ या अत्यंत महत्त्वाकांक्षी आणि धडक मोहिमेअंतर्गत मुंबई पोलिसांच्या अंमली पदार्थ विरोधी कक्षाच्या (ANC) घाटकोपर युनिटने विद्याविहार येथील नामांकित सोमय्या विद्यापीठात एक दणदणीत जनजागृती मोहीम राबवली. युवकांचे भवितव्य उद्ध्वस्त करणाऱ्या विनाशाच्या या महाजजाळापासून तरुणाईला दूर ठेवण्यासाठी आयोजित करण्यात आलेल्या या विशेष कार्यक्रमात सुमारे ३०० हून अधिक विद्यार्थी आणि १० शिक्षक अत्यंत उत्साहाने सहभागी झाले होते. पोलीस दलातर्फे यावेळी प्रभावी सादरीकरण करत अंमली पदार्थांचे मानवी शरीरावर, मनावर आणि कुटुंबावर होणारे भयानक दुष्परिणाम अत्यंत टोकदार भाषेत विद्यार्थ्यांच्या मनावर बिंबवण्यात आले.

या जोशपूर्ण आणि प्रेरणादायी वातावरणात तरुणांनीही देशहिताचा व स्वतःच्या उज्ज्वल भविष्याचा संकल्प करत एकमुखाने ‘अंमली पदार्थांपासून सदासर्वकाळ दूर राहण्याची आणि इतरांनाही परावृत्त करण्याची’ शपथ घेतली. मुंबई पोलिसांच्या या धडक कारवाईमुळे आणि सतर्कतेमुळे शैक्षणिक वर्तुळातून व पालकांकडून तीव्र समाधान व्यक्त होत असून, मुंबईला नशामुक्त करण्यासाठी पोलीस प्रशासन पूर्ण ताकदीने मैदानात उतरल्याचा हा अत्यंत दणदणीत संदेश या निमित्ताने संपूर्ण मुंबईत गेला आहे.